www.buevich.com www.buevich.com
  Главная  l   О нас   l   Новости   l   Документы   l   Фотоальбом   l   Конференция   l   Обратная связь
  
   История фамилии
   Этимология
   Варианты написания
  
   Буевичи
   Алфавитный список
   Первые Буевичи
   Знаменитые Буевичи
   Родовое древо
   Книга памяти
   Поиск родственников
  
   Геральдика
   Родовой герб
   История герба
  
   Ссылки
   Буевичи в сети
   Пресса о Буевичах
   Генеалогия в сети
  

ДЕКРЕТ В СПРАВЕ МЕЩАН ВИТЕБСКИХ ЗЪ ЗЕМЯНЫ БУЕВИЧАМИ О НЕПОЛНЕНЕ ПОВИННОСТЕЙ ЗАРОВНО З МЕСТОМ З ДОМУ ИХ НА КГРУНТЕ АЛБО ВЫГОНЕ МЕСТСКОМ ЗБУДОВАНОМ

Жикгимонт третий Божью м(и)л(ос)тю.

Ознаймуемъ симъ листом нашим, ижъ кгды были до насъ и суду н(а)шого позвомъ нашим позваные шляхетные Александер, Крыштофъ и Янъ Яновичи Буевича, земяне наши воеводства Витебского, на попиране учстивых бурмистровъ, радецъ и лавниковъ места н(а)шого Витебъска о то, иж они, набывши собе пляцу ворового, то ест выгону на кгрунте местском витебъском, до места належачог(о), недалеко от островъя Подвинского и Писаровъщизны, и збудовавши на том пляцу дом, с того дому повинъностей звыклых месту полнить не хочуть, але овшем зъ юрыздыцыи, с права и с присуду местского дом тот выламуют, а праву и волностямъ шляхецкимъ привлащають ку шкоде немалой месту и противку праву, привилеем, волностям, месту преречоному от королей и княжат, продковъ наших, наданым, яко о то позовъ шырей объмавляеть. На року тогды сегоднешнем, с позву припадаючим, сторона поводовая через шляхетного Матея Важинского, умоцованог(о) своего, перед судом н(а)шим станувши, того року пилновала и положене позву на позваную сторону довела. А позвана будучи по чотыры крот над право через возного земъского шляхетного Криштофа Чижевского до суду н(а)шого приволаная ани через умоцованого своего не станула. Зачим сторона поводовая, выводечи право свое, показала привилей светое памети короля Жикгимонта Августа под датою въ Вилне року тисеча пятсот шестьдесят// первого, м(еся)ца июня шостого дня, которим корол Август потвержаючи привилей светое памети короля Казимера межи иншими волностями и надатками на певный пляц Михаловщизны воровый, то ест на выгон месту Витебскому наданый, вспоминаеть, што и потом короли продки наши потверъжали и умоцнили, зачим ижъ на том пляцу воровым, то ест выгону, позваные домъ собе збудовали, просили мещане, абы тот пляц и дом, на кгрунте местъском збудованый, до юрздыцыи местъское был присужоный, аже бы позваные и хто колвекъ будет тот дом держалъ повинности и иншие тежари местские заровно з ынъшими мещаны подоймовали и полнили. Мы с п(а)ны радами, асесори н(а)шими, выслухавши сознаня возного о приволаню стороны позваное учиненого за нестанемъ ее, а бачечи то, иж поводовая сторона, доводечи позву и права своего, показала, же тот пляц естъ местский и на том пляцу местскомъ естъ дом збудованый, про то знайдуемо, ижъ позваная сторона не можеть взглядом того дому юръздыцыи местское уходит(ь) ани ее в ничом увлачать, але присудивъши тот пляц або дом до юрздыцыи местское, сказуем, абы позваные и тые, которие будуть тот пляц местский або дом держать, с того дому повинности звыклые ровно з ыншими мещаны плнили и отдавали и юрздыцыей праву и присудови местъскому с того дому подлегали моцю того декрету н(а)шого. Што про паметь до книгъ Канцелярийскихъ записать есмо казали. Писан у Кракове, лета Божего нароженья тисеча шестьсот пятого, м(еся)ца ноебра двадцать девятого дня.

Лев Сапега, канцлер
Вел. княз. Литовского

Остафий Воловичъ,
писар и референдар

НИАБ, КМФ 18 (Литовская метрика), оп. 1, д. 288, л. 469 об.-470

Copyright © 2002 - 2006 Алексей & Станислав Буевичи.      Все права защищены